Ayni paytda Turkiyaning “Galatasaroy” klubida ijara asosida o‘ynayotgan “Napoli” hujumchisi Viktor Osimxenga “Manchester Yunayted” va “Chelsi” klublari qiziqish bildirmoqda.
26 yoshli nigeriyalik hujumchi mavsum boshida “Napoli”ni tark etishga yaqin turgandi, ammo yakunda ijara asosida “Galatasaroy”ga o‘tdi. Kelishuv yakunlangach, u yozda uni sotishi mumkin bo‘lgan Italiya klubiga qaytadi.
Osimxenning shartnomasida uning chet el klubiga 75 million yevro evaziga o‘tish huquqini beruvchi to‘lov bandi kiritilgan. "Manchester Yunayted" va "Chelsi" forvard uchun bu summani to‘lashga tayyor.
