Айни пайтда Туркиянинг “Галатасарой” клубида ижара асосида ўйнаётган “Наполи” ҳужумчиси Виктор Осимхенга “Манчестер Юнайтед” ва “Челси” клублари қизиқиш билдирмоқда.
26 ёшли нигериялик ҳужумчи мавсум бошида “Наполи”ни тарк этишга яқин турганди, аммо якунда ижара асосида “Галатасарой”га ўтди. Келишув якунлангач, у ёзда уни сотиши мумкин бўлган Италия клубига қайтади.
Осимхеннинг шартномасида унинг чет эл клубига 75 миллион евро эвазига ўтиш ҳуқуқини берувчи тўлов банди киритилган. "Манчестер Юнайтед" ва "Челси" форвард учун бу суммани тўлашга тайёр.
