"Yuventus" klubi va Italiya terma jamoasi sobiq darvozaboni Janluiji Buffon A Seriya 27-turidan o‘rin olgan "Napoli" - "Inter" uchrashuvi va joriy mavsumda Italiya chempionligi uchun kechadigan kurash haqida fikr bildirdi.
"Napoli" - "Inter" - juda muvozanatli o‘yin. O‘ylaymanki, u chempionatimizga katta obro‘ va zavq bag‘ishlaydi. Bu o‘yinda durang bo‘lishi mumkin, ammo to‘liq kuch bilan o‘ynab, bu ikki jamoa bir-birini yo‘q qilishga harakat qiladi.
"Atalanta"? Agar ular chempionlikni qo‘lga kiritsa, bu chiroyli sport hikoyasi bo‘lardi, ammo syurpriz bo‘lmasligi aniq, chunki bu jamoa bir necha o‘n yillar davomida qat’iyat bilan erishgan natija bo‘lardi," - deya Buffonning so‘zlarini keltiradi Tuttosport.













