"Ювентус" клуби ва Италия терма жамоаси собиқ дарвозабони Жанлуижи Буффон А Серия 27-туридан ўрин олган "Наполи" - "Интер" учрашуви ва жорий мавсумда Италия чемпионлиги учун кечадиган кураш ҳақида фикр билдирди.
"Наполи" - "Интер" - жуда мувозанатли ўйин. Ўйлайманки, у чемпионатимизга катта обрў ва завқ бағишлайди. Бу ўйинда дуранг бўлиши мумкин, аммо тўлиқ куч билан ўйнаб, бу икки жамоа бир-бирини йўқ қилишга ҳаракат қилади.
"Аталанта"? Агар улар чемпионликни қўлга киритса, бу чиройли спорт ҳикояси бўларди, аммо сюрприз бўлмаслиги аниқ, чунки бу жамоа бир неча ўн йиллар давомида қатъият билан эришган натижа бўларди," - дея Буффоннинг сўзларини келтиради Tuttosport.
