Transfer oynasi yopilishiga sanoqli vaqtlar qolganda “So‘g‘diyona" safini yana bir tajribali hujumchi bilan kuchaytirdi.
Chernogoriyalik hujumchi Luka Jorjevich jamoamiz futbolchisiga aylandi. Hujumchi hamda klub o‘rtasidagi shartnoma 2025 yil so‘ngiga qadar imzolandi.
1994 yil 9 iyulda tug‘ilgan tajribali forvard faoliyati davomida Yevropa va Osiyoning nufuzli klublarida to‘p surgan. U ilgari "Mogren", "Zenit", "Tvente", "Sampdoriya", "Ponferradina", "Arsenal Tula", "Lokomotiv Moskva", "Vayl", "Sochi", "Abha" va "Karmiotissa" klublarida o‘ynagan hamda Chernogoriya milliy terma jamoasi sharafini himoya qilgan.
Endilikda esa Luka Jorjevich «So‘g‘diyona» sharafini himoya qiladi.
«So‘g‘diyona» matbuot xizmati