«Real» hujumchisi Kilian Mbappe Ispaniya Kubogi yarim finalida «Real Sosyedad»ga qarshi bo‘ladigan bahsda jamoasiga yordam bera olmaydi.  

Ma’lumotiga ko‘ra, fransuz forvardiga tish toshini olib tashlash bo‘yicha jarrohlik amaliyoti o‘tkazilgan, va u hali ham kuchli og‘riqni his qilmoqda. Mbappe kechani juda og‘ir o‘tkazgan va to‘liq tiklanishga ulgurmagan. Shu sababli, futbolchini yarim final o‘yinidan ozod qilish to‘g‘risida qaror qabul qilingan. Kilian safarda bo‘ladigan o‘yin uchun qaydnomaga kiritilmadi.

Shu bilan birga, manbalarga ko‘ra, Mbappe La Liganing 26-turidan o‘rin olgan «Betis»ga qarshi uchrashuvda maydonga tushishi mumkin.

Mbappe joriy mavsum «Real» tarkibida 38 ta o‘yinda ishtirok etib, 27 ta gol urgan va 4 ta golli uzatma amalga oshirgan.