"Yuventus" bosh murabbiyi Tyago Motta jamoadan iste’foga chiqarilishi mumkin.
Turinliklar Italiya kubogidagi ishtirokini chorak final bosqichida yakunladi. Ular asosiy vaqtda 1:1 hisobida durang o‘ynab, penaltilar seriyasida “Empoli”ga imkoniyatni boy berishdi.
Jurnalist Jovanni Albanesening so‘zlariga ko‘ra, endi Motta ishdan bo‘shatilishi mumkin.
"Keksa sinyora" rahbariyati mutaxassis bilan hamkorlikni hech bo‘lmaganda mavsum oxirigacha davom ettirishni rejalashtirgandi, biroq bir hafta ichida Chempionlar ligasi va Italiya kubogidan chiqib ketgan klub vakillarini murabbiy bilan xayrlashish ehtimoli katta.













