"Bavariya" yarim himoyachisi Yozua Kimmix faoliyatini Londonning "Arsenal" klubida davom ettirishi mumkin. Bu haqda jurnalist Florian Plettenberg xabar bermoqda.
Manbaga ko‘ra, "Arsenal" Kimmixni Jorjinyoning o‘rniga olib kelmoqchi. Ta’kidlanishicha, 30 yoshli nemisning ikkita aniq taklifi bor, ulardan biri - Angliya Premyer-ligasidan. Aynan shu sababli Kimmix "Bavariya" bilan kelasi yozda yakuniga yetadigan shartnomasini uzaytirishga shoshilmayapti.
Shu bilan birga, ta’kidlanishicha, yarim himoyachi "Bavariya" rahbariyati bilan muzokaralarni davom ettirmoqda. Shartnoma baribir uzaytirilishi ehtimoli yo‘q emas.
