"Бавария" ярим ҳимоячиси Ёзуа Киммих фаолиятини Лондоннинг "Арсенал" клубида давом эттириши мумкин. Бу ҳақда журналист Флориан Плеттенберг хабар бермоқда.
Манбага кўра, "Арсенал" Киммихни Жоржиньонинг ўрнига олиб келмоқчи. Таъкидланишича, 30 ёшли немиснинг иккита аниқ таклифи бор, улардан бири - Англия Премьер-лигасидан. Айнан шу сабабли Киммих "Бавария" билан келаси ёзда якунига етадиган шартномасини узайтиришга шошилмаяпти.
Шу билан бирга, таъкидланишича, ярим ҳимоячи "Бавария" раҳбарияти билан музокараларни давом эттирмоқда. Шартнома барибир узайтирилиши эҳтимоли йўқ эмас.













