"Chelsi"ning sobiq yarim himoyachisi, hozirda Madridning "Atletiko" klubi a’zosi Konor Gallaxer tumanli Albionga qaytishi mumkin. Bu haqda Todofichajes jurnalistlari xabar bermoqda.

Manbaga ko‘ra, 25 yoshli markaziy yarim himoyachi xizmatiga Premyer-liga klublaridan biri qiziqish bildirmoqda. Potensial xaridor Gallaxerni sotib olish uchun taxminan 50 million yevro ajratishga tayyor.

Eslatib o‘tamiz, Konor "matraschilar" safiga o‘tgan yilning yozida kelib qo‘shilgan edi. Yarim himoyachi ispan top-klubi bilan 5 yillik mehnat shartnomasini imzoladi.