FIFA rahbari Janni Infantino AQSH prezidenti Donald Tramp Rossiya terma jamoasini jahon chempionatiga qo‘yishni so‘raganmi, degan savolga javob berdi. Xabaringiz bor, UYEFA hududidagi saralash turniri bir necha haftadan so‘ng boshlanadi va bungacha Rossiya terma jamoasi sanksiyalar sabab qur’ada ishtirok etmagan edi.

"Yo‘q, mendan buni so‘rashmagan. Menimcha, tinchlik haqida gap ketganda, futboldan ham muhimroq narsalar bor. Ammo biz barcha mamlakatlar turnirda ishtirok etishini istaymiz," - deya Infantinoning so‘zlarini keltiradi «The Guardian».

Ma’lumki, 2026 yilning yozida jahon chempionatiga biryo‘la uch davlat - AQSH, Kanada va Meksika mezbonlik qiladi. Jahon kubogining amaldagi g‘olibi Argentina terma jamoasi hisoblanadi.