Quvaytda qilichbozlik bo‘yicha yoshlar o‘rtasidagi Osiyo chempionati o‘z yakuniga yetdi. Musobaqaning so‘nggi kunida kechgan jamoaviy bahslarda shpaga va sablya yo‘nalishlarida qizlarimiz oltin medallarga sazovor bo‘lishdi.

Shpagachilarimiz Aziza Hamidova, Dilnaz Murzatayeva, Sanam Nazarova hamda Bibimaryam Saparova musobaqa davomida Iordaniya, Singapur, Xitoy Taipeyi va finalda Yaponiyani mag‘lubiyatga uchratishdi.

Sablyachilarimiz Gulistan Perdebayeva, Fernanda Errera, Samira Shokirova hamda Ayako‘z Jumamuratovadan iborat kvartetimiz esa Singapur, Koreya Respublikasi va Gonkongdan ustun keldi.

Shu tariqa, musobaqada 5 ta oltin va 1 ta bronza medallarini jamg‘argan yoshlarimiz umumjamoa hisobida birinchi o‘rinni egallashdi.