Қувайтда қиличбозлик бўйича ёшлар ўртасидаги Осиё чемпионати ўз якунига етди. Мусобақанинг сўнгги кунида кечган жамоавий баҳсларда шпага ва сабля йўналишларида қизларимиз олтин медалларга сазовор бўлишди.
Шпагачиларимиз Азиза Ҳамидова, Дилназ Мурзатаева, Санам Назарова ҳамда Бибимарям Сапарова мусобақа давомида Иордания, Сингапур, Хитой Таипейи ва финалда Японияни мағлубиятга учратишди.
Саблячиларимиз Гулистан Пердебаева, Фернанда Эррера, Самира Шокирова ҳамда Аякўз Жумамуратовадан иборат квартетимиз эса Сингапур, Корея Республикаси ва Гонконгдан устун келди.
Шу тариқа, мусобақада 5 та олтин ва 1 та бронза медалларини жамғарган ёшларимиз умумжамоа ҳисобида биринчи ўринни эгаллашди.
