"Arsenal" vinger Gabriel Martinelli bo‘yicha takliflarni ko‘rib chiqishga tayyor.

Braziliyalik futbolchi fevral oyi boshidan beri jarohati tufayli maydonga tushmayapti. Goal nashri tarqatgan xabarga ko‘ra "kanonirlar" rahbariyati joriy yozda futbolchining bozor narxidan yuqori takliflar kelib tushsa, uni sotish variantlarini o‘rganib chiqishga tayyor.

Mashhur Transfermarkt sayti Gabriel Martinellini 55 mln yevroga baholamoqda. 23 yoshli futbolchining "Arsenal" bilan mehnat shartnomasi 2027 yilning yarmigacha mo‘ljallangan bo‘lib, uni yana bir mavsumga uzaytirish imkoniyati mavjud.

Joriy mavsumda Martinelli Mikel Arteta jamoasi safida 35 ta jangda 7 ta gol va 4 ta golli uzatmani amalga oshirdi.