"Арсенал" вингер Габриэль Мартинелли бўйича таклифларни кўриб чиқишга тайёр.
Бразилиялик футболчи февраль ойи бошидан бери жароҳати туфайли майдонга тушмаяпти. Goal нашри тарқатган хабарга кўра "канонирлар" раҳбарияти жорий ёзда футболчининг бозор нархидан юқори таклифлар келиб тушса, уни сотиш вариантларини ўрганиб чиқишга тайёр.
Машҳур Transfermarkt сайти Габриэль Мартинеллини 55 млн еврога баҳоламоқда. 23 ёшли футболчининг "Арсенал" билан меҳнат шартномаси 2027 йилнинг ярмигача мўлжалланган бўлиб, уни яна бир мавсумга узайтириш имконияти мавжуд.
Жорий мавсумда Мартинелли Микель Артета жамоаси сафида 35 та жангда 7 та гол ва 4 та голли узатмани амалга оширди.
