"Benfika" himoyachisi Alvaro Karreras Chempionlar Ligasi 1/8 finalidan o‘rin olgan "Barselona"ga qarshi dastlabki o‘yin oldidan o‘z fikrlarini bildirib o‘tdi.

"Biz ertangi o‘yinga katta e’tibor qaratganmiz va g‘alabaga erishish uchun juda kuchli motivasiyaga egamiz. Biz o‘z maydonimizda yaxshi o‘yin ko‘rsatishni, shuningdek, Barselonadagi o‘yinda ham g‘alaba qozonishni istaymiz. Biz shunday katta klubda o‘ynash baxtiga muyassar bo‘ldik, stadionimizda ertaga muxlislarimiz bizni qanday qo‘llab-quvvatlashini bilamiz," - dedi portugal klubi futbolchisi matbuot anjumanida.