David Alaba yaqinda tizzasidan olgan jarohatidan uzoq vaqt davolanib, "Real" safiga qaytdi - avstriyalik futbolchi bir yildan ko‘proq vaqtni o‘tkazib yubordi. Alabaning yoshi va yuqori maoshini inobatga olgan holda, "qaymoqranglilar" yozda transfer bozoridagi takliflarni tinglashga tayyor bo‘ladi. Shu bilan birga, TodoFichajes portali o‘z sahifalarida yozishicha, madridliklar Alaba uchun kamida 20 million yevro talab qiladi.
Qayd etilishicha, Alabaga Saudiya Arabistonining "Al-Ittihod" va "An-Nasr" klublari qiziqish bildirishda davom etmoqda. Shuningdek, avstriyalik himoyachida MLSda ham variantlar bo‘ladi.
32 yoshli David Alabaning "Real" bilan amaldagi shartnomasi 2026 yilning yarmigacha mo‘ljallangan.
