"Chelsi" bosh murabbiyi Enso Mareska Konferensiyalar ligasining 1/8 finali doirasida "Kopengagen"ga qarshi o‘yin oldidan matbuot anjumanida ishtirok etdi.

"Biz ligada ham, Konferensiyalar ligasida ham yaxshi natijalarga erishayotgan ajoyib jamoa bilan o‘ynashimizni tushunamiz. Ajoyib murabbiy boshchiligidagi ajoyib jamoa. Ularga qarshi o‘ynash qiziqarli bo‘ladi.

Bundan buyon Konferensiyalar ligasidagi har bir o‘yin oliy ligadagi o‘yinlar kabi muhim bo‘ladi. Biz o‘yindan o‘yinga o‘tamiz va ularning har birida g‘alaba qozonishga harakat qilamiz", - deya qo‘shimcha qildi italiyalik mutaxassis.

“Kopengagen” – “Chelsi” o‘rtasidagi ilk o‘yin 6 mart, payshanba kuni bo‘lib o‘tadi.