O‘zbekiston Professional Futbol Ligasi matbuot xizmati Superliga jamoalari yangi mavsumda qaysi brend liboslaridan foydalanishi haqida ma’lum qildi.
Unga ko‘ra, Superliganing 5 ta jamoasi — “Paxtakor”, “Navbahor”, “Neftchi”, “Surxon” va uzoq yillik tanaffusdan keyin chempionat yo‘llanmasini qo‘lga kiritgan “Xorazm” Adidas brendi ostida ishab chiqariladigan liboslardan foydalanadi.
O‘tgan mavsum chempioni “Nasaf”, “Qizilqum” hamda Superligaga qaytgan “Sho‘rtan” ispan brendi hisoblangan Kelme xizmatlaridan foydalandigan bo‘ldi.
“OKMK” hamda “Qo‘qon-1912” Saber, “Andijon” va “Mash’al” o‘zi uchun Macron liboslarini tanladi.
Shuningdek, “Dinamo” Puma, “So‘g‘diyona” Joma, “Bunyodkor” Jako va “Buxoro” Nike kompaniyalari tomonidan ishlab chiqariladigan formalardan foydalanadi.
To‘liq ro‘yxat:
Adidas — “Paxtakor”, “Navbahor”, “Neftchi”, “Surxon”, “Xorazm”;
Kelme — “Nasaf”, “Qizilqum”, “Sho‘rtan;
Saber — “OKMK”, “Qo‘qon-1912”;
Macron — “Andijon”, “Mash’al”;
Puma — “Dinamo”;
Joma — “So‘g‘diyona”;
Jako — “Bunyodkor”;
Nike — “Buxoro”.
