"Lion" bosh murabbiy Paulu Fonsekaning hakamga jiddiy e’tiroz bildirgani uchun 9 oyga diskvalifikasiya qilinganidan keyin bayonot berdi.

Klubdagilar Professional futbol ligasi (LFP) intizom qo‘mitasining qarorini shafqatsiz deb atashdi, shuningdek, u juda tez qabul qilinganini ta’kidlashdi.

"Klub murabbiy hakamga jismoniy hujum qilish niyati bo‘lmagan holda, faqat uning harakatlari, hissiy reaksiyasiga qarab baholanmaganidan afsusda.

Fransiya hakamligiga salbiy ta’sir ko‘rsatishi mumkin bo‘lgan sanksiyalar fonida "Lion" apellyasiya berishning barcha mumkin bo‘lgan usullarini o‘rganishini e’lon qiladi," - deyiladi klub bayonotida.

"Brest"ga qarshi o‘yin davomida 2 mart kuni "Lion" bosh murabbiyi uchrashuv bosh hakami Benua Miyo bilan janjallashib qoldi. 90+7-daqiqada Fonseka hakam bilan tortishgani va tajovuzkor xatti-harakatlari uchun maydondan chetlatildi.