"Лион" бош мураббий Паулу Фонсеканинг ҳакамга жиддий эътироз билдиргани учун 9 ойга дисквалификация қилинганидан кейин баёнот берди.
Клубдагилар Профессионал футбол лигаси (LFP) интизом қўмитасининг қарорини шафқатсиз деб аташди, шунингдек, у жуда тез қабул қилинганини таъкидлашди.
"Клуб мураббий ҳакамга жисмоний ҳужум қилиш нияти бўлмаган ҳолда, фақат унинг ҳаракатлари, ҳиссий реакциясига қараб баҳоланмаганидан афсусда.
Франция ҳакамлигига салбий таъсир кўрсатиши мумкин бўлган санкциялар фонида "Лион" апелляция беришнинг барча мумкин бўлган усулларини ўрганишини эълон қилади," - дейилади клуб баёнотида.
"Брест"га қарши ўйин давомида 2 март куни "Лион" бош мураббийи учрашув бош ҳаками Бенуа Мийо билан жанжаллашиб қолди. 90+7-дақиқада Фонсека ҳакам билан тортишгани ва тажовузкор хатти-ҳаракатлари учун майдондан четлатилди.
