Luka Modrich hamon "Real"ga foyda keltirmoqda, ammo uning yoshi o‘tib bormoqda - kuzda xorvatiyalik 40 yoshga to‘ladi va u o‘sha paytda Madrid grandining futbolchisi bo‘lib qolishi haqiqatdan yiroq. "Qaymoqranglilar" allaqachon maydon markaziga yoshroq futbolchi qidirmoqda.

«Todofichajes» portalining xabar berishicha, "Real" o‘rta chiziq uchun "PSJ"dan Vitinyani sotib olmoqchi. "Real"dagilarning fikricha, 25 yoshli portugaliyalik nafaqat tarkibni yoshartiradi, balki o‘yin tizimiga ham a’lo darajada moslashadi.

Shu bilan birga, qayd etilishicha, "PSJ" Vitinya bilan xayrlashmoqchi emas. «Transfermarkt» portali mutaxassislari 55 million yevroga baholagan futbolchining amaldagi shartnomasi 2029 yilning yarmigacha mo‘ljallangan.