Лука Модрич ҳамон "Реал"га фойда келтирмоқда, аммо унинг ёши ўтиб бормоқда - кузда хорватиялик 40 ёшга тўлади ва у ўша пайтда Мадрид грандининг футболчиси бўлиб қолиши ҳақиқатдан йироқ. "Қаймоқранглилар" аллақачон майдон марказига ёшроқ футболчи қидирмоқда.
«Todofichajes» порталининг хабар беришича, "Реал" ўрта чизиқ учун "ПСЖ"дан Витиньяни сотиб олмоқчи. "Реал"дагиларнинг фикрича, 25 ёшли португалиялик нафақат таркибни ёшартиради, балки ўйин тизимига ҳам аъло даражада мослашади.
Шу билан бирга, қайд этилишича, "ПСЖ" Витинья билан хайрлашмоқчи эмас. «Transferмаркт» портали мутахассислари 55 миллион еврога баҳолаган футболчининг амалдаги шартномаси 2029 йилнинг ярмигача мўлжалланган.
