"Arsenal" bosh murabbiyi Mikel Arteta Chempionlar ligasida g‘alaba qozonish istagi haqida gapirdi.

"Bu turnirga bizda alohida ishtiyoq bor. PSVga qarshi navbatdagi o‘yinimiz Yevropa safarimiz nuqtai nazaridan qiziqarli bo‘ladi. Biz barcha mumkin bo‘lgan sovrinlar uchun kurashishda davom etamiz. Biz Premyer-ligada qolgan har bir o‘yinda g‘alaba qozonishni istaymiz. Bu mavsumda hech qanday sovrin yuta olmasligimizni qabul qilmayman", dedi Arteta.

Chempionlar ligasi 1/8 finalidan o‘rin olgan “Arsenal” va PSV o‘rtasidagi javob o‘yini 12-mart, chorshanba kuni bo‘lib o‘tadi.