La Liga rahbariyati "Real Madrid" direktorining "Vilyarreal"ga qarshi o‘yinni kechiktirish haqidagi iltimosini rad etdi.
"Los-Blankos" Chempionlar ligasi 1/8 finalida "Atletiko"ga qarshi javob o‘yinidan so‘ng 72 soatdan kamroq vaqt ichida "Sariq suv osti kemasi" bilan o‘ynashi kerak edi.
Karlo Anchelotti matbuot anjumanida ochiqchasiga aytdiki, agar o‘yinlar orasidagi 72 soatlik tanaffusga rioya qilinmasa, keyingi safar "Real Madrid" maydonga tushishdan bosh tortadi.
Jurnalist Mario Kortexananing xabar berishicha, klub direktori Emilio Butragenyo La Liga rahbariyatiga qo‘ng‘iroq qilib, Chempionlar ligasining 1/8 finali taqvimi aniqlanishi bilanoq "Vilyarreal" bilan uchrashuvni kechiktirishni so‘ragan, biroq rad javobi berilgan. Chorshanba kuni, "Atletiko" bilan derbidan so‘ng, Butragenyo futbolchilarning sog‘lig‘iga jiddiy zarar yetkazish xavfini ko‘rsatib, xuddi shunday iltimos bilan chiqdi, ammo La Liga aniq javob bermadi.
