"Strasburg" safida ijara asosida to‘p tepayotgan yarim himoyachi Andrey Santos "Chelsi"da o‘zini ko‘rsatish imkoniyatiga ega bo‘ladi.
20 yoshli futbolchi mavsumni Fransiyada ajoyib tarzda o‘tkazmoqda va u yerda yanada hujumkor rolida namoyon bo‘ldi. Jurnalist Ben Jeykobsning ma’lum qilishicha, "Chelsi" kelayotgan yozda umidli braziliyalik futbolchi bo‘yicha takliflarni ko‘rib chiqmaydi. Xavbek ijaradan qaytgach, "ko‘klar"ning asosiy tarkibiga kirish imkoniyatiga ega bo‘ladi.
Andrey Santos "Strasburg" safida Liga 1ning joriy mavsumida 23 ta o‘yinda maydonga tushib, 7 ta gol urdi va 2 ta golli uzatmani amalga oshirdi. Futbolchining "Chelsi" bilan shartnomasi 2030 yilgacha mo‘ljallangan.
