"Страсбург" сафида ижара асосида тўп тепаётган ярим ҳимоячи Андрей Сантос "Челси"да ўзини кўрсатиш имкониятига эга бўлади.
20 ёшли футболчи мавсумни Францияда ажойиб тарзда ўтказмоқда ва у ерда янада ҳужумкор ролида намоён бўлди. Журналист Бен Жейкобснинг маълум қилишича, "Челси" келаётган ёзда умидли бразилиялик футболчи бўйича таклифларни кўриб чиқмайди. Хавбек ижарадан қайтгач, "кўклар"нинг асосий таркибига кириш имкониятига эга бўлади.
Андрей Сантос "Страсбург" сафида Лига 1нинг жорий мавсумида 23 та ўйинда майдонга тушиб, 7 та гол урди ва 2 та голли узатмани амалга оширди. Футболчининг "Челси" билан шартномаси 2030 йилгача мўлжалланган.













