Niderlandiya terma jamoasi bosh murabbiyi Ronald Kuman Millatlar ligasi doirasidagi Ispaniyaga qarshi o‘yin oldidan niderlandiyaliklar raqib yarim maydonida ko‘proq to‘p bilan o‘ynash niyatida ekanini ta’kidladi.
"Ispaniyaliklar to‘p bilan ajoyib o‘ynashadi, ularda ajoyib yarim himoyachilar bor. Jamoa qanotlarda Lamin Yamal va Niko Uilyams bilan juda tez o‘ynashga qodir. Ba’zan ispanlarni to‘xtatish uchun "avtobus" qo‘yish kerak bo‘ladi, garchi buni xohlamasangiz ham. Ularning yarim maydonida to‘p bilan ko‘proq o‘ynashni va oldinda bosim o‘tkazishni xohlaymiz," - deya Kumanning so‘zlarini keltiradi UEFA matbuot xizmati.
