Нидерландия терма жамоаси бош мураббийи Рональд Куман Миллатлар лигаси доирасидаги Испанияга қарши ўйин олдидан нидерландияликлар рақиб ярим майдонида кўпроқ тўп билан ўйнаш ниятида эканини таъкидлади.

"Испанияликлар тўп билан ажойиб ўйнашади, уларда ажойиб ярим ҳимоячилар бор. Жамоа қанотларда Ламин Ямал ва Нико Уильямс билан жуда тез ўйнашга қодир. Баъзан испанларни тўхтатиш учун "автобус" қўйиш керак бўлади, гарчи буни хоҳламасангиз ҳам. Уларнинг ярим майдонида тўп билан кўпроқ ўйнашни ва олдинда босим ўтказишни хоҳлаймиз," - дея Куманнинг сўзларини келтиради УEФА матбуот хизмати.