"Milan"da ijara asosida o‘ynayotgan "Chelsi" hujumchisi Joau Feliks faoliyatini Angliya Premyer-ligasining boshqa klubida davom ettirishi mumkin. Bu haqda Teamtalk nashri xabar bermoqda.

Manbaning xabariga ko‘ra, portugaliyalik forvardga Birmingemning "Aston Villa" klubi qiziqish bildirmoqda. "Sherlar" rahbariyati portugaliyalik hujumchini doimiy ravishda sotib olmoqchi. Transferga Feliksning yuqori maoshi asosiy to‘siq bo‘lishi mumkin.

Joauning "rossonerilar" bilan shartnomasi 2025 yilning iyun oyi oxirigacha amal qiladi. Transfermarkt futbolchining bozor narxini 30 million yevroga baholamoqda.