"Милан"да ижара асосида ўйнаётган "Челси" ҳужумчиси Жоау Феликс фаолиятини Англия Премьер-лигасининг бошқа клубида давом эттириши мумкин. Бу ҳақда Teamtalk нашри хабар бермоқда.

Манбанинг хабарига кўра, португалиялик форвардга Бирмингемнинг "Астон Вилла" клуби қизиқиш билдирмоқда. "Шерлар" раҳбарияти португалиялик ҳужумчини доимий равишда сотиб олмоқчи. Трансферга Феликснинг юқори маоши асосий тўсиқ бўлиши мумкин.

Жоаунинг "россонерилар" билан шартномаси 2025 йилнинг июнь ойи охиригача амал қилади. Transfermarkt футболчининг бозор нархини 30 миллион еврога баҳоламоқда.