"Barselona" klubi va Ispaniya terma jamoasi markaziy himoyachisi Pau Kubarsi Millatlar ligasi chorak final dastlabki turida Niderlandiyaga qarshi o‘yinda to‘pig‘idan olgan jarohati tufayli terma jamoa qarorgohini tark etdi.
Jurnalist Fabrisio Romanoning xabar berishicha, 18 yoshli futbolchi bog‘lamlarini tortib olgan va keyingi o‘yinlarda ishtirok eta olmaydi. Uning o‘rnini Rimning "Lasio" klubidan Mario Xila egallaydi.
Eslatib o‘tamiz, kecha Niderlandiyada kechgan bahs 2:2 hisobida yakunlangan edi. Ispanlar qo‘shib berilgan daqiqalarda mag‘lubiyatdan qutulib qolishga muvaffaq bo‘lishdi.
Javob uchrashuvi 23 mart kuni Ispaniyada bo‘lib o‘tadi.
