"Барселона" клуби ва Испания терма жамоаси марказий ҳимоячиси Пау Кубарси Миллатлар лигаси чорак финал дастлабки турида Нидерландияга қарши ўйинда тўпиғидан олган жароҳати туфайли терма жамоа қароргоҳини тарк этди.
Журналист Фабрицио Романонинг хабар беришича, 18 ёшли футболчи боғламларини тортиб олган ва кейинги ўйинларда иштирок эта олмайди. Унинг ўрнини Римнинг "Лацио" клубидан Марио Хила эгаллайди.
Эслатиб ўтамиз, кеча Нидерландияда кечган баҳс 2:2 ҳисобида якунланган эди. Испанлар қўшиб берилган дақиқаларда мағлубиятдан қутулиб қолишга муваффақ бўлишди.
Жавоб учрашуви 23 март куни Испанияда бўлиб ўтади.
