Hammasi shuni ko‘rsatmoqdaki, Xabi Alonso keyingi mavsumda ham "Bayer" bosh murabbiyi sifatida ishlashda davom etadi. Rheinische Post nashrining xabar berishicha, Alonsoning leverkuzenliklar bilan ishlashda davom etishi ehtimoli ortib bormoqda.
Qayd etilishicha, Alonso hozirda "Bayer"ning kelasi mavsumdagi tarkibini rejalashtirish bilan to‘liq shug‘ullanmoqda. Hozirgi vaziyatda ispaniyalikning yozda Leverkuzendan ketishi syurpriz bo‘ladi, deb yozadi manba.
Avvalroq, matbuot Xabi Alonsoni "Real" bilan bog‘lagan edi. Shu bilan birga, Madrid klubi joriy mavsum yakunida Karlo Anchelotti bilan xayrlashishga qaror qilishi haqiqatdan yiroq.
