Ҳаммаси шуни кўрсатмоқдаки, Хаби Алонсо кейинги мавсумда ҳам "Байер" бош мураббийи сифатида ишлашда давом этади. Rheinische Post нашрининг хабар беришича, Алонсонинг леверкузенликлар билан ишлашда давом этиши эҳтимоли ортиб бормоқда.
Қайд этилишича, Алонсо ҳозирда "Байер"нинг келаси мавсумдаги таркибини режалаштириш билан тўлиқ шуғулланмоқда. Ҳозирги вазиятда испанияликнинг ёзда Леверкузендан кетиши сюрприз бўлади, деб ёзади манба.
Аввалроқ, матбуот Хаби Алонсони "Реал" билан боғлаган эди. Шу билан бирга, Мадрид клуби жорий мавсум якунида Карло Анчелотти билан хайрлашишга қарор қилиши ҳақиқатдан йироқ.
