Manuel Noyerning tiklanishi cho‘zilib ketishi mumkin.
"Bavariya" darvozaboni 6 mart kuni ECHL 1/8 finalidan o‘rin olgan "Bayer"ga (3:0) qarshi o‘yinda Jamal Musiala tomonidan urilgan golni nishonlash vaqtida boldir mushaklaridan jarohat oldi. Noyer kamida 3-4 o‘yinda maydonga tushmasligi aytilgandi.
Bild jurnalistlari Tobi Altsheffl va Niko Linnerning ma’lum qilishicha, Noyerning jarohati taxmin qilinganidan jiddiyroq bo‘lib chiqqan. "Bavariya" u "Inter"ga qarshi YECHL 1/4 finalining dastlabki o‘yiniga tayyor bo‘lishiga umid qilmayapti. U ikkinchi o‘yinda ham maydonga tusha oladi, degan umid bor.
O‘z navbatida, Florian Plettenbergning ma’lum qilishicha, Noyerning "Inter"ga qarshi birinchi o‘yinga qaytishi hali ham mumkin. Bundan tashqari, Yonas Urbig oyog‘idagi jarohatidan forig‘ bo‘ldi va kelasi haftadan jamoaviy mashg‘ulotlarga qaytishi kerak.
