Pedri Unai Simonning Ispaniya terma jamoasining Millatlar Ligasi 1/2 finaliga chiqishiga qo‘shgan hissasini e’tirof etdi.
1/4 finalda Niderlandiya bilan javob o‘yinida (3:3, pen. 5:4, birinchi o‘yin - 2:2) 11 metrlik jarimalar seriyasida Doniell Malenning zarbasini ispanlar darvozaboni qaytardi.
"Unai bo‘lmaganda bu g‘alaba bo‘lmasdi, u har doim bizni kamida bir-ikki marta qutqaradi.
Og‘ir o‘yin bo‘ldi. Niderlandiya yaxshi futbol o‘ynaydigan va to‘pga ko‘p egalik qilishga harakat qiladigan ajoyib terma jamoa. Yaxshi boshladik, ammo har safar gol urganimizda hisobni tenglashtirishdi. Ish penaltigacha yetib bordi va bizda Unai bor edi," - dedi Ispaniya terma jamoasi yarim himoyachisi.
