Педри Унаи Симоннинг Испания терма жамоасининг Миллатлар Лигаси 1/2 финалига чиқишига қўшган ҳиссасини эътироф этди.
1/4 финалда Нидерландия билан жавоб ўйинида (3:3, пен. 5:4, биринчи ўйин - 2:2) 11 метрлик жарималар сериясида Дониэлл Маленнинг зарбасини испанлар дарвозабони қайтарди.
"Унаи бўлмаганда бу ғалаба бўлмасди, у ҳар доим бизни камида бир-икки марта қутқаради.
Оғир ўйин бўлди. Нидерландия яхши футбол ўйнайдиган ва тўпга кўп эгалик қилишга ҳаракат қиладиган ажойиб терма жамоа. Яхши бошладик, аммо ҳар сафар гол урганимизда ҳисобни тенглаштиришди. Иш пенальтигача етиб борди ва бизда Унаи бор эди," - деди Испания терма жамоаси ярим ҳимоячиси.
