Франция терма жамоаси ҳужумчиси Усман Дембеле ЖЧ-2026 ярим финалида Испанияга қарши ўтказилган ўйин (0:2) танаффусида жамоадошларининг бир қанчасини ғазаблантирди. Бу ҳақда L'Équipe газетаси хабар бермоқда.
Манбага кўра, муваффақиятсиз кечган биринчи бўлимдан сўнг Дембеле кийим алмаштириш хонасида сўзга чиққан, аммо унинг нутқи айрим футболчиларнинг норозилигига сабаб бўлган. Улар Дембеленинг жамоани танқид қилишини адолатсиз деб ҳисоблашган, чунки футболчининг ўзи майдонда унчалик яхши кўринмаган.
Эслатиб ўтамиз, Франция Испанияга 0:2 ҳисобида мағлуб бўлди ва ўйин давомида илк бор дарвозага аниқ зарбани иккинчи бўлим қўшиб берилган дақиқаларидагина амалга ошира олди.
19 июль куни Дидье Дешам шогирдлари учинчи ўрин учун баҳсда Англияга қарши майдонга тушади.
