Fransiya terma jamoasi hujumchisi Usman Dembele JCH-2026 yarim finalida Ispaniyaga qarshi o‘tkazilgan o‘yin (0:2) tanaffusida jamoadoshlarining bir qanchasini g‘azablantirdi. Bu haqda L'Équipe gazetasi xabar bermoqda.
Manbaga ko‘ra, muvaffaqiyatsiz kechgan birinchi bo‘limdan so‘ng Dembele kiyim almashtirish xonasida so‘zga chiqqan, ammo uning nutqi ayrim futbolchilarning noroziligiga sabab bo‘lgan. Ular Dembelening jamoani tanqid qilishini adolatsiz deb hisoblashgan, chunki futbolchining o‘zi maydonda unchalik yaxshi ko‘rinmagan.
Eslatib o‘tamiz, Fransiya Ispaniyaga 0:2 hisobida mag‘lub bo‘ldi va o‘yin davomida ilk bor darvozaga aniq zarbani ikkinchi bo‘lim qo‘shib berilgan daqiqalaridagina amalga oshira oldi.
19 iyul kuni Didye Desham shogirdlari uchinchi o‘rin uchun bahsda Angliyaga qarshi maydonga tushadi.
