"Forest" Nunu Eshpiritu Santu qo‘l ostida ajoyib mavsumni o‘tkazmoqda va Chempionlar ligasiga yo‘l olishi mumkin, shuning uchun ajoyib natijalarni hisobga olgan holda, klub rahbari Evangelos Marinakis 2025/26 yilgi mavsum uchun jamoani kuchaytirishni rejalashtirmoqda.
TEAMtalk xabariga ko‘ra, agar klub Chempionlar ligasiga chiqsa, Marinakis "Forest"ning bir mavsumlik sensasiyaga aylanishining oldini olish uchun transferlarga katta mablag‘ sarflashga tayyor.
Manbalar "Forest"ning “Sporting” futbolchisi Viktor Dyokereshni kuzatayotganini tasdiqlaydi. Shvesiyalikdan tashqari Forest hozirda "Galatasaroy"da ijara asosida o‘ynayotgan Viktor Osimxen bilan ham vaziyatni o‘rganmoqda.
Shuningdek, Forest "Vulverxempton" hujumchisi Matteus Kunyaning agentlari bilan bog‘langani ham ma’lum. 25 yoshli braziliyalik bu mavsumda "bo‘rilar"ning asosiy figurasiga aylandi.
29-turdan so‘ng Forest 54 ochko bilan APL turnir jadvalida uchinchi o‘rinda borayotganini qo‘shimcha qilib o‘tamiz, bu ikkinchi o‘rindagi “Arsenal”dan atigi 4 ochko kam.
