"Форест" Нуну Эшпириту Санту қўл остида ажойиб мавсумни ўтказмоқда ва Чемпионлар лигасига йўл олиши мумкин, шунинг учун ажойиб натижаларни ҳисобга олган ҳолда, клуб раҳбари Эвангелос Маринакис 2025/26 йилги мавсум учун жамоани кучайтиришни режалаштирмоқда.
TEAMtalk хабарига кўра, агар клуб Чемпионлар лигасига чиқса, Маринакис "Форест"нинг бир мавсумлик сенсацияга айланишининг олдини олиш учун трансферларга катта маблағ сарфлашга тайёр.
Манбалар "Форест"нинг “Спортинг” футболчиси Виктор Дьокерешни кузатаётганини тасдиқлайди. Швецияликдан ташқари Форест ҳозирда "Галатасарой"да ижара асосида ўйнаётган Виктор Осимхен билан ҳам вазиятни ўрганмоқда.
Шунингдек, Форест "Вулверхэмптон" ҳужумчиси Маттеус Куньянинг агентлари билан боғлангани ҳам маълум. 25 ёшли бразилиялик бу мавсумда "бўрилар"нинг асосий фигурасига айланди.
29-турдан сўнг Форест 54 очко билан АПЛ турнир жадвалида учинчи ўринда бораётганини қўшимча қилиб ўтамиз, бу иккинчи ўриндаги “Арсенал”дан атиги 4 очко кам.
