"Bavariya" hujumchisi Xarri Keyn Angliya terma jamoasi safida navbatdagi golini urdi.

31 yoshli forvard JCH-2026 saralash bosqichi 2-turidan o‘rin olgan Latviya (3:0) darvozasini ishg‘ol qildi. Hozirda Keyn "uch sherlar" safida 71 ta gol urgan - u terma jamoadagi gollari soni bo‘yicha mashhur germaniyalik sobiq futbolchi Miroslav Kloze bilan tenglashdi. E’tiborlisi, angliyalik futbolchi ushbu ko‘rsatkichga 32 ta kam o‘yin o‘tkazib (105 ga qarshi 137) erishdi.

Yevropa terma jamoalarining eng yaxshi to‘purarlari reytingida faqat Krishtianu Ronaldu (Portugaliya, 136), Romelu Lukaku (Belgiya, 88), Robert Levandovski (Polsha, 85), Ferens Pushkash (Vengriya va Ispaniya, 84) va Shandor Kochish (Vengriya, 75) yuqorida joylashgan.