"Бавария" ҳужумчиси Харри Кейн Англия терма жамоаси сафида навбатдаги голини урди.

31 ёшли форвард ЖЧ-2026 саралаш босқичи 2-туридан ўрин олган Латвия (3:0) дарвозасини ишғол қилди. Ҳозирда Кейн "уч шерлар" сафида 71 та гол урган - у терма жамоадаги голлари сони бўйича машҳур германиялик собиқ футболчи Мирослав Клозе билан тенглашди. Эътиборлиси, англиялик футболчи ушбу кўрсаткичга 32 та кам ўйин ўтказиб (105 га қарши 137) эришди.

Европа терма жамоаларининг энг яхши тўпурарлари рейтингида фақат Криштиану Роналду (Португалия, 136), Ромелу Лукаку (Бельгия, 88), Роберт Левандовски (Польша, 85), Ференц Пушкаш (Венгрия ва Испания, 84) ва Шандор Кочиш (Венгрия, 75) юқорида жойлашган.