"Vilyarreal"ning iqtidorli yarim himoyachisi Aleks Baena La Ligada yaxshi o‘yin ko‘rsatib, bir qancha klublarning e’tiborini tortmoqda, biroq uni qo‘lga kiritish uchun "Atletiko Madrid" favorit hisoblanadi.

So‘nggi kunlarda futbolchi faoliyatida oldinga qadam tashlashga va "Metropolitano"ga o‘tishga tayyor ekanligini ma’lum qildi.

Kelishuvga eng katta to‘siq bu klublar o‘rtasidagi muzokaralar. "Vilyarreal" o‘z o‘yinchisining qadrini tushunadi va uni o‘zlari kutganidan kamiga qo‘yib yuborishni istamaydi. Biroq “Atletiko” barcha tomonlarni qanoatlantiradigan kelishuvga erisha olishiga ishonchi komil.

Joriy mavsumda 23 yoshli ispaniyalik “Vilyarreal” safida barcha turnirlarda 26 ta o‘yinda maydonga tushib, 6 ta gol va 7 ta golli uzatmaga mualliflik qilgan.