"Вильярреал"нинг иқтидорли ярим ҳимоячиси Алекс Баэна Ла Лигада яхши ўйин кўрсатиб, бир қанча клубларнинг эътиборини тортмоқда, бироқ уни қўлга киритиш учун "Атлетико Мадрид" фаворит ҳисобланади.
Сўнгги кунларда футболчи фаолиятида олдинга қадам ташлашга ва "Метрополитано"га ўтишга тайёр эканлигини маълум қилди.
Келишувга энг катта тўсиқ бу клублар ўртасидаги музокаралар. "Вильярреал" ўз ўйинчисининг қадрини тушунади ва уни ўзлари кутганидан камига қўйиб юборишни истамайди. Бироқ “Атлетико” барча томонларни қаноатлантирадиган келишувга эриша олишига ишончи комил.
Жорий мавсумда 23 ёшли испаниялик “Вильярреал” сафида барча турнирларда 26 та ўйинда майдонга тушиб, 6 та гол ва 7 та голли узатмага муаллифлик қилган.
