Myunxenning "Bavariya" klubi yozgi transfer oynasida hujum chizig‘ini kuchaytirishni rejalashtirmoqda. Germaniyaning Bild nashri xabariga ko‘ra, Bundesliga yetakchilari 2025/2026 yilgi mavsumda Xarri Keynning o‘rniga markaziy hujumchi bilan shartnoma imzolashni rejalashtirmoqda.
Manbaga ko‘ra, "Bavariya"ning forvard pozisiyasi uchun bir nechta nomlardan iborat qisqa ro‘yxatiga "Chelsi" hujumchisi Kristofer Nkunku kiritilgan. Qayd etilishicha, Nkunku transferi fransiyalik Matis Telni sotib olish uchun "Tottenxem"dan olingan pul evaziga moliyalashtirilishi rejalashtirilgan.
"Tottenxem" Matis Telni "Bavariya"dan 60 million yevroga sotib olish huquqi bilan ijaraga oldi. Kristofer Nkunku 2023 yilning yozida xuddi shu pul evaziga Germaniyaning "Leypsig" klubidan "Chelsi"ga o‘tgan edi.
