"Chelsi" hujumchisi Nikolas Jekson umumiy guruh mashg‘ulotlariga qaytdi, deya xabar bermoqda klub rasmiy sayti.

Qayd etilishicha, murabbiylar shtabi 23 yoshli senegallik futbolchi terma jamoalar o‘yinlaridagi tanaffusdan keyin jamoaga yordam bera olishiga umid qilmoqda. Jamoa 3 aprel kuni APLning 30-turida "Tottenxem"ga qarshi bahs olib boradi.

Jarohat tufayli Jekson 3 fevraldan beri maydonga tushmadi. U joriy mavsum "Chelsi" safida 24 ta o‘yinda maydonga tushib, 9 ta gol urdi va 5 ta golli uzatmani amalga oshirdi.