Turinning "Yuventus" klubi yangi bosh murabbiyi Igor Tudor o‘zining ilk matbuot anjumaniga tashrif buyurdi.
"Klub rahbariyatiga bildirilgan ishonch uchun minnatdorchilik bildirmoqchiman. Men bu yerdaligimdan faxrlanaman, lekin eng avvalo ishlash istagim bor. Vaqtimiz kam, shuning uchun hech qanday bahona bo‘lmaydi. Maqsadimiz nima ekanligini juda yaxshi bilamiz, bu jamoa uchun jiddiy sinov. Hech kimning hafsalasini pir qilmaslik uchun hamma narsani qilaman.
"Yuventus"da ishlayotganingda doim g‘alaba qozonishing kerak. "Yuventus" to‘g‘ri odamlarni tanlaydigan klub ekanini doim aytganman. Futbolchilar mas’uliyatni o‘z zimmalariga olishlari kerak, faqat shu yo‘l bilan oldinga boramiz. Biz jamoaviy mentalitetni shakllantirishimiz kerak. Alessandro Del Pyero va Zinedin Zidan orqali mehnat madaniyati bilan tanishdim. Buni jamoamga yetkazishga harakat qilaman.
"Yuventus"da meni tarbiyalagan murabbiylardan ko‘p narsa o‘rgandim: Marchello Lippi, Fabio Kapello, shuningdek, Karlo Anchelotti. Bu men uchun futboldan oldin ham hayot maktabi edi. Ular meni hozirgi holimga keltirdilar", - dedi Tudor.
