Туриннинг "Ювентус" клуби янги бош мураббийи Игор Тудор ўзининг илк матбуот анжуманига ташриф буюрди.
"Клуб раҳбариятига билдирилган ишонч учун миннатдорчилик билдирмоқчиман. Мен бу ердалигимдан фахрланаман, лекин энг аввало ишлаш истагим бор. Вақтимиз кам, шунинг учун ҳеч қандай баҳона бўлмайди. Мақсадимиз нима эканлигини жуда яхши биламиз, бу жамоа учун жиддий синов. Ҳеч кимнинг ҳафсаласини пир қилмаслик учун ҳамма нарсани қиламан.
"Ювентус"да ишлаётганингда доим ғалаба қозонишинг керак. "Ювентус" тўғри одамларни танлайдиган клуб эканини доим айтганман. Футболчилар масъулиятни ўз зиммаларига олишлари керак, фақат шу йўл билан олдинга борамиз. Биз жамоавий менталитетни шакллантиришимиз керак. Алессандро Дель Пьеро ва Зинедин Зидан орқали меҳнат маданияти билан танишдим. Буни жамоамга етказишга ҳаракат қиламан.
"Ювентус"да мени тарбиялаган мураббийлардан кўп нарса ўргандим: Марчелло Липпи, Фабио Капелло, шунингдек, Карло Анчелотти. Бу мен учун футболдан олдин ҳам ҳаёт мактаби эди. Улар мени ҳозирги ҳолимга келтирдилар", - деди Тудор.
